Ndrydhja e qafës, shkaqet dhe kurimi

Ndrydhja e qafës është një shqetësim i shpeshtë që prek, zakonisht në mënyrë kalimtare, persona të të gjitha moshave.

Praktikisht bëhet fjalë për dhimbje qafe të lokalizuara anash dhe të shkaktuara nga një inflamacion i muskujve e ligamenteve, që pengon rrotullimin normal të kokës nga të dyja anët. Dhimbja nga ndrydhja e qafës mund të jetë vërtet shumë e fortë dhe shfaqet papritur e vrullshëm, si pasojë e traumave të provokuara nga qëndrimi jo korrekt për shumë orë (si rast klasik i ndrydhjes së qafës mund të përmendim atë të personave që qëndrojnë shumë orë ulur përpara kompjuterit).
Ekziston edhe një formë e lindur e ndrydhjes së qafës, e shkaktuar nga një keqformim i rruazave të qafës, por në shumicën e rasteve, bëhet fjalë për ndrydhjen e fortë të qafës të shkaktuar gjatë jetës, që në raste të veçanta mund të shndërrohet edhe në një ndrydhje kronike.
Cilat janë shkaqet kryesore të ndrydhjes së qafës?

REKLAMË

Qafore magnetike
Për dhimbje të ndryshme te qafes per porosi shenoni mesazh ose në whatsapp

Ndrydhja e qafës nga inflamacioni muskulor

Ndrydhja më e shpeshtë ka origjinë muskulore. Përndrydhje apo tërheqje, mikrotrauma apo qëndrimi jo korrekt, por edhe i ftohti mund të shkaktojnë inflamacion të muskujve të qafës dhe të zverkut si dhe të provokojnë këtë lloj dhimbjeje.
Ndrydhja e fortë është rasti më i shpeshtë dhe kurohet me qetësues, ndërsa në rastet më të rënda, me injeksione. Kujdes nga ndrydhjet e shpeshta: mund të keni bërë zakon të qëndroni pa e kuptuar në pozicione jo korrekte ose të keni kërcitje të dhëmbëve gjatë natës. Në këtë rast, përpara se ndrydhja e qafës të kthehet në kronike, përpiquni të ndryshoni mënyrën tuaj të jetesës dhe shkoni tek dentisti juaj për t’ju bërë një aparat plastik për natën.  Gjithashtu,  është mirë të merreni vazhdimisht me  aktivitete fizike dhe ushtrime zgjatjesh muskulore, për të relaksuar dhe mbajtur në formë muskujt dhe kyçet.

Ndrydhja e qafës tek fëmijët

Fillojmë nga ndrydhja e syve, tipike për fëmijët me probleme shikimi. Ajo karakterizohet nga një ndrydhje kompensuese, e shkaktuar nga qëndrimi që mban fëmija për të kompensuar deficitet e tij të shikimit. Kurohet mbi të gjitha duke korrigjuar problemin e shikimit, që është shkaku fillestar i ndrydhjes. Por për të lehtësuar dhimbjen dhe për të vënë në bosht të drejtë qafën, mjeku mund të kërkojë një qafore të ngurtë dhe një cikël tërheqjesh tek fizioterapisti.
Ndërsa ndrydhja tek i sapolinduri është thjesht e lindur dhe shkaqet mund të jenë të shumta. Rasti më i shpeshtë është ai i muskulit sterno – mastoid që ndodhet në zonën midis veshit dhe klavikulës, veçanërisht ai i anës së djathtë. Muskuli është i tërhequr dhe fytyra e foshnjës ka për tendencë të përkulet nga ana e dëmtimit. Në këtë rast, mund të ndërhyhet me operacion, por vetëm në rastet ekstreme. Zakonisht preferohet të zgjidhet problemi nëpërmjet ushtrimeve të bëra çdo ditë nga ana e prindërve (mjekët ua mësojnë prindërve).

Shkaqe të tjera të ndrydhjes së qafës

Nganjëherë ndrydhja është një efekt anësor. Tumore, inflamacione të veshit, tuberkulozi, meningjiti apo artriti reumatoid janë disa prej sëmundjeve që mund të shkaktojnë simptomën e dhimbjeve të qafës. Në këto raste, si të kurosh dhimbjen e qafës është problemi i fundit; më parë duhet të zgjidhim cila është patologjia bazë e ta kurojmë me mjekimin e duhur sipas rastit: trajtim antibiotik, antituberkuloz, etj.
Sidoqoftë, në rast se vuani nga një ndrydhje e vazhdueshme qafe dhe dhimbja është shumë e fortë si dhe nga mpirje duarsh e krahësh, konsultohuni menjëherë më mjekun ose bëni kontroll mjekësor. Në rastet normale, ndrydhja e qafës është një inflamacion i muskujve që zgjat vetëm një javë.

Share this:

Leave a Reply